Awa' wi' your belles and your beauties,
They never wi' her can compare,
Whaever has met wi' my Phillis,
Has met wi' the queen o' the fair.

The daisy amus'd my fond fancy,
So artless, so simple, so wild;
Thou emblem, said I, o' my Phillis-
For she is Simplicity's child.
Awa' wi' your belles and your beauties, etc

The rose-bud's the blush o' my charmer,
Her sweet balmy lip when 'tis prest:
How fair and how pure is the lily!
But fairer and purer her breast.
Awa' wi' your belles and your beauties, etc

Yon knot of gay flowers in the arbour,
They ne'er wi' my Phillis can vie:
Her breath is the breath of the woodbine,
Its dew-drop o' diamond her eye.
Awa' wi' your belles and your beauties, etc

Her voice is the song o' the morning,
That wakes thro' the green-spreading grove
When Phoebus peeps over the mountains,
On music, and pleasure, and love.
Awa' wi' your belles and your beauties, etc

But beauty, how frail and how fleeting!
The bloom of a fine summer's day;
While worth in the mind o' my Phillis,
Will flourish without a decay.
Awa' wi' your belles and your beauties, etc